Geoffrey Chaucer. 1340?-1400
10. The Love Unfeigned
1 min to read 118 words
O YONGE fresshe folkes, he or she, In which that love up groweth with your age, Repeyreth hoom from worldly vanitee, And of your herte up-casteth the visage To thilke god that after his image Yow made, and thinketh al nis but a fayre This world, that passeth sone as floures fayre.
And loveth him, the which that right for love Upon a cros, our soules for to beye, First starf, and roos, and sit in hevene a-bove; For he nil falsen no wight, dar I seye, That wol his herte al hoolly on him leye. And sin he best to love is, and most meke, What nedeth feyned loves for to seke?
repeyreth] repair ye. starf] died.
Read next chapter >>
Geoffrey Chaucer. 1340?-1400
11. Balade
1 min to read 144 words
Comments